Është hedhur sot shorti në selinë e UEFA-s në Nion të Zvicrës, ku janë përcaktuar 9 grupet përbërëse të kualifikueseve të Kampionatit Evropian 2025 për grupmoshat U-21.

Shqipëria është pozicionuar në grupin E dhe kundërshtarët do të jenë Rumania, Zvicra, Finlanda, Mali i Zi dhe Armenia.

Sipas kalendarit të UEFA-s, ndeshjet e fazës kualifikuese të Evropianit U-21 do të nisin në datën 20 mars 2023 dhe do të përfundojnë në 15 tetor 2024.

Shqipëria U-21, e drejtuar nga trajneri Alban Bushi, do të synojë të kualifikohet për herë të parë në fazën finale të këtij turneu, që do të luhet në vitin 2025 në Sllovaki.