Një humbje një fitore në dy ndeshjet e fundit kanë pasur një efekt në renditjen mujore të publikuar nga FIFA, kjo edhe për faktin se pjesa më e madhe e ekipeve përfaqësuese kanë qenë të angazhuara në kualifikueset e Botërorit.

Me 1375 pikë, Shqipëria humbet një tjetër pozicion në renditjen mujore të publikuar nga FIFA.

Përfaqësuesja kuqezi renditet aktualisht në vendin e 66-të.

Ndërkohë, rivali i radhës i Shqipërisë në kualifikueset e Botërorit, Serbia, ka fituar një pozicion në renditjen e FIFA-s.

Me 1523 pikë, Serbia pozicionohet në vendin e 31-të teksa ka fituar një vend.

Anglia, kryesuesit e Grupit K me 6 pikë të plota, qëndrojnë në vend numëro në këtë renditje mujore.

“Tre Luanët” pozicionohen në vendin e 4-të.

Në krye të FIFA renditet Argjentina, e ndjekur nga Spanja dhe Franca.

Vijon rritjen në renditjen e FIFA ekipi i Kosovës. “Dardanët” u ngjitën në Ligën B pasi “thyen” Islandën, duke fituar edhe dy pozicione të tjera në renditjen e fundit.

Me 1238 pikë, Kosova pozicionohet në vendin e 97-të.