Shuma e kursimeve që qytetarët e Kosovës kanë në banka ka arritur në vlerën 5.89 miliardë euro.

Kështu ka bërë me dije Banka Qendrore e Kosovës, dje në Ditën Botërore të Kursimeve.

Kjo vlerë konsiderohet më e larta që është shënuar deri më tani.

“Depozitat e klientëve në shtator 2023 kanë shënuar rritje për rreth 14.63 milionë euro krahasuar me muajin paraprak. Vlera e depozitave në shtator 2023 arriti vlerën 5.89 miliardë euro”.

Rreth 25 % të kursimeve janë me afat.

“Ekonomitë familjare dominojnë me rreth 66.5 % të totalit të depozitave (apo rreth 3.88 miliardë euro). Vlera e depozitave të reja në muajin shtator ishte 87.02 milionë euro”.