Kryetari i Partisë Demokratike Shqiptare (PDSh), Ragmi Mustafa, ka ftuar institucionet e Kosovës të mos i lënë shqiptarët e Luginës së Preshevës jashtë fazës së re të dialogut Kosovë – Serbi.

Në këtë intervistë dhënë për gazetën “Epoka e re”, ai ka thënë se tani është momenti i fundit që Kosova ta ngrehë zërin për zgjidhjen e problemit të shqiptarëve të Luginës.

Sipas Mustafës, krahas zgjidhjes përfundimtare të çështjeve ndërmjet Kosovës dhe Serbisë në Bruksel, duhet të zgjidhet edhe problemi i shqiptarëve të Luginës.

“Ne vetëm kërkojmë zbatimin e standardeve që Kosova zbaton për pakicat andej kufirit. Çdo gjë që vlen për serbët atje të vlejë edhe për shqiptarët këtu”, ka thënë lideri i PDSh-së, Ragmi Mustafa.

(Intervistën e plotë mund ta lexoni në numrin e sotëm të gazetës “Epoka e re”)