Doarsa Kica, një shqipëtare nga Maqedonia e Veriut, konkretisht nga qyteti i Strugës i është bashkangjitur iniciativës “Guxo” të Vjosa Osmanit.

Doarsa Kica është e specializuar në SHBA, ndërsa punon avokate në njëren prej Shoqërisë së Avokatëve në Prishtinë dhe është ndër më të spikaturat në këtë profesion.

“Sot, guxova. Guximi nuk shprehet gjithmonë me forcë fizike. Në shtetet demokratike, shprehet me ndërmarrjen e një hapi tutje në të mirën e përgjithshme. Në guximin për të dalur jashtë zonës së rehatisë dhe jashtë interesave të ngushta individuale për ti shërbyer interesave shtetërore, dhe për të kontribuar në fuqizimin e sundimit të ligjit. Koha ka treguar që pritja kushton. Andaj, pa pritur më shumë është koha të guxojmë”, tha juristja Doarsa Kica.

Ajo do të mbanë numrin 33 në Listën e kandidatëve për deputetë mes Iniciativës “Guxo” dhe VV në zgjedhjet e parakohshme parlamentare në Kosovë që do të mbahen në 14 shkurtit.