Kryetari i Komunës së Obiliqit, Xhafer Gashi, ka njoftuar se shtatë nga nëntë rastet e reja me koronavirus janë personel shëndetësor (mjekë, infermierë dhe staf tjetër).

Ai ka deklaruar se gjendja e tyre është stabile. Ndërsa dy rastet e tjera janë raste kontakti me një person të infektuar nga komuna e Prishtinës.

Gashi njofton se nga nëntë rastet e reja pozitiv me Covid-19, shtatë raste janë personel shëndetësor.

Postimi i plotë i Gashit:

Të nderuar qytetarë,

Sipas njoftimeve të IKSHPK-së në Komunën e Obiliqit, kanë rezultuar nëntë raste te reja pozitiv me Covid-19, sipas informatave shtatë raste janë personel shëndetësor (mjekë, infermierë dhe staf tjetër), ndërsa dy rastet tjera janë raste kontakti me një person të infektuar nga komuna e Prishtinës.

Të gjitha rastet janë të vetizoluar, ekipet e QKMF-së po qëndrojnë në kontakt të vazhdueshëm dhe gjendja e tyre është stabile. Ju njoftoj të gjithëve se situata në Obiliq, është nën kontroll dhe nuk ka vend për panik por për kujdes më të shtuar! .Ju lutem, respektoni masat!.