Shtatë persona janë lënduar në një aksident trafiku të enjten pranë fshatit Shushicë të Istogut.

Zëdhënësi i Policisë për rajonin e Pejës, Fadil Gashi, ka thënë se në aksidentin që ndodhi rreth orës 15:00 janë përfshirë katër vetura.

“Të lënduarit janë dërguar për trajtim në Spitalin e Pejës dhe janë jashtë rrezikut për jetë”, ka njoftuar Gashi.

Autoritetet policore kanë dalë në vendin e ngjarjes dhe po hetojnë rastin.