Së paku shtatë njerëz vdiqën dhe 21 mbeten të zhdukur, pasi një anije u përmbyt në lumin Danub në kryeqytetin e Hungarisë, Budapest.

Tridhjetetre njerëz, shumica turistë nga Koreja e Jugut, ishin në bordin e anijes kur ajo u përplas nga një anije tjetër, derisa po ankorohej, kanë thënë zyrtarët.

Incidenti ka ndodhur mbrëmjen e së mërkurës, raporton “Rel”.

Policia hungareze ka thënë se ka nisur hetimet.

Lumi Danub raportohet të jetë fryrë si pasojë e reshjeve të mëdha, që shkaktuan rryma të forta.

Ministria e Jashtme e Koresë së Jugut ka thënë se turistët nuk kishin xhaketa shpëtimi.

Ekipet e shpëtimit po vazhdojnë kërkimet për të zhdukur.