Shtëpia e Bardhë ka paralajmëruar se Shteteve të Bashkuara po i mbarojnë koha dhe paratë për të ndihmuar Ukrainën të luftojë luftën e saj me Rusinë.

Drejtoresha e buxhetit të Shtëpisë së Bardhë, Shalanda Young, ia ka dërguar paralajmërimin në një letër kryetarit republikan të Dhomës së Përfaqësuesve, Mike Johnson dhe udhëheqësve të tjerë të Kongresit të hënën, sipas Reuters.

Në letër, Young shkruante: “Dua të jem i qartë: pa veprime të Kongresit, deri në fund të vitit do të na mbarojnë burimet për të blerë më shumë armë dhe pajisje për Ukrainën dhe për të siguruar pajisje nga rezervat ushtarake të ShBA-së. Nuk ka asnjë tenxhere magjike financimi për të përmbushur këtë moment. Ne jemi pa para dhe pothuajse pa kohë”.

Në tetor, administrata Biden ka paraqitur një kërkesë 106 miliardë dollarë në Kongres për të financuar planet për sigurinë kufitare të Ukrainës, Izraelit dhe ShBA-së. Urgjenca e kërkesës është shprehur nga zyrtarët e Shtëpisë së Bardhë në një fjalim televiziv drejtuar kombit në atë kohë.