Presidenti i Shteteve të Bashkuara, Donald Trump, ka deklaruar se task-forca për koronavirus e Shtëpisë së Bardhë do të shpërbëhet.

Gjatë vizitës që i bëri një fabrike për prodhimin e maskave në Arizonë,  ai ka deklaruar se task-forca për koronavirus e udhëhiqet nga nënpresidenti amerikan, Mike Pence, ka bërë punë të mirë.

“Mike Pence dhe task-forca kanë bërë një punë të shkëlqyeshme, por tani do të shohim për një formë tjetër dhe kjo formë është siguria dhe hapja [e ekonomisë]. Do të kemi një grup tjetër që do të krijohet ndoshta për këtë çështje”, ka deklaruar Trump.

(M.K/Epoka e re)