Presidentja e Kosovës, Vjosa Osmani, ka udhëtuar për në Moldavi, ndonëse veriu i Kosovës gjendet në mes të tensioneve dhe marrëdhëniet me Shtetet e Bashkuara të Amerikës (ShBA) janë të acaruara.

Lajmin për udhëtimin e Osmanit në Moldavi e ka bërë me dije Presidenca e Kosovës.

“Presidentja Osmani do t’u bashkohet 46 krerëve të tjerë të shteteve të kontinentit evropian si dhe krerëve të institucioneve të BE-së, me qëllim të nxitjes së dialogut politik dhe forcimit të bashkëpunimit për t’i adresuar çështjet më urgjente të sigurisë dhe stabilitetit në Evropë”, ka njoftuar presidenca.