Nënpresidentja amerikane, Kamala Harris, dhe ish-presidenti Donald Trump janë në garë të ngushtë presidenciale.

Që të dy kanë shpenzuar kohë dhe para në shtetet që mund t’i fitojë në fund cilido, duke i kushtuar kujdes veçanërisht Pensilvanisë. Ky është më i madhi prej “shteteve të luhatshme”, ku një dallim prej vetëm disa mijëra votash mund të mjaftojë për të përcaktuar fituesin.

Në qytetet e ndara politikisht, si Skranton, votuesit thonë se inflacioni, imigracioni dhe të drejtat riprodhuese janë çështje që do t’i shtyjnë ata drejt vendvotimeve në nëntor.