SHBA po përballet me një epidemi të varësisë nga droga dhe alkooli dhe shumica e amerikanëve janë prekur personalisht nga kjo çështje, nxjerr në pah një sondazh i ri.

Sipas anketës për përcjelljen e shëndetit nga KFF, u raportua se dy e treta e të rriturve se ose ata ose një anëtar i familjes vuanin nga varësia ndaj drogave të paligjshme ose farmaceutike apo nga alkoolit, përcjell klankosova.tv.

Pothuajse 10 përqind e njerëzve mbi moshën 18 vjeç kanë thënë se kishin humbur një të afërm apo mik nga mbidoza.

Më shumë se gjysma e të anketuarve, 54 përqind, thanë se dikush në familjen e tyre ishte i varur nga alkooli, ndërsa 27 për qind kishin një anëtar të familjes të varur nga drogat ilegale, si heroina dhe pjesa tjetër ishte e varur nga ilaçet me recetë.

Të dhënat e veçanta nga Qendrat për Kontrollin dhe Parandalimin e Sëmundjeve treguan se gati 110,000 njerëz vdiqën nga mbidozat e drogës në SHBA vitin e kaluar, duke vazhduar rritjen e vdekjeve të lidhura me drogën e përjetuar gjatë pandemisë Covid-19.

Rreth gjysma e të rriturve janë të shqetësuar se dikush në familjen e tyre do të përjetojë abuzim me substancat dhe një e treta janë të shqetësuar se një anëtar i familjes do të mbidozojë me opioidet.

Përafërsisht tre të katërtat e të anketuarve që kishin një histori personale ose familjare të varësisë thanë se përvojat e tyre ndikuan në marrëdhëniet e tyre me anëtarët e familjes.

70 për qind thanë se varësia ndikoi në shëndetin e tyre mendor dhe 57 për qind thanë se varësia dëmtoi gjendjen e tyre financiare.

Pavarësisht epidemisë së varësisë, më pak se gjysma e të prekurve nga varësia, 46 për qind, raportuan se merrnin trajtim për sëmundjen dhe ata që kërkonin ndihmë ndryshonin në varësi të varësisë së tyre.

Midis atyre që marrin trajtim, 29 për qind e morën atë për një varësi të paligjshme ndaj drogës dhe 58 për qind u trajtuan për një varësi nga opioidet.