Pas kryeministrit Boris Johnson, i cili ndodhet i shtruar në spital dhe në terapi intensive prej ditës së djeshme, mediet britanike raportojnë se ka përfunduar në spital edhe deputeti laburist, Tony Lloyd i cili është infektuar me Covid-19.

Lloyd deputet për Rochdale është shtruar në një spital në Mançester gjatë orëve të vona të së hënës.

Familja e tij deklaroi se 70-vjeçari ndodhej në gjendje të qëndrueshme dhe po mjekohet për Covid-19.

Gjithashtuata shprehën falenderime për mjekët, infermierët dhe të gjithë stafin mjekësor që është duke u kujdesur për deputetin.

Deputetit i ka uruar një shërim të shpejtë edhe kryetari i laburistëve Sir Keir Starmer.