Qeveria e Kosovës ka pasur një mbledhje sot. Në njoftimin për media të dërguar nga kryeministria bëhet me dije për vendimet që janë marrë në këtë mbledhje.

Në këtë mbledhje është marr vendim që të shtyhet afati i paraparë për paraqitjen e analizës/studimit nga Grupi punues për themelimin e Institutit për Hulumtimin e krimeve të kryera gjatë luftës në Kosovë, deri me datën 15 prill 2021, raporton “Epoka e re”.

“Kabineti qeveritar në mbledhjen e sotme ka miratuar vendimin për ndryshimin dhe plotësimin e Vendimit të Qeverisë nr. 18/48 të datës 07.12.2020. Me ndryshimet e bëra shtyhet afati i paraparë për paraqitjen e analizës/studimit nga Grupi punues për themelimin e Institutit për Hulumtimin e krimeve të kryera gjatë luftës në Kosovë, deri me datën 15 prill 2021”, është thënë në komunikatën e Qeverisë së Kosovës.