Kryeministri i Kosovës Avdullah Hoti ka bërë të ditur, se për shkak të seancës së Kuvendit të Kosovës, është shtyrë mbledhja mes Qeverisë së Kosovës dhe asaj të Shqipërisë e paraparë të mbahej këtë të premte.

Përmes një postimi në “Facebook”, ai ka shkruar se mbledhja do të mbahet më 2 tetor.

Postimi i plotë:

Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor. E falënderoj Kryeministrin Rama për mirëkuptimin dhe dy ekipet tona për përgatitjen e mbledhjes.