Shtyhet për javën e ardhshme caktimi i seancës dhe ligji për Trustin
30 maj 2022
| 12:17
Kryesia e Kuvendit të Kosovës ka dështuar të vendosë për seancën e radhës parlamentare për shkak të mungesës së kuorumit.
Pas mbledhjes, shefi i grupit parlamentar të Partisë Demokratike të Kosovës, Abelard Tahiri, ka thënë se është arritur pajtimi që në mbledhjen e ardhshme të Kryesisë, të hënën e ardhshme, të vendoset për seancën e re.
Ai ka thënë se të hënën e ardhshme do të caktohet edhe seanca në të cilën do të trajtohet çështja e Trustit.
“U dakorduam që ditën e hënë, të hënën e ardhshme, ta përcaktojmë rendin e ditës për seancën e radhës në të cilën do të trajtohet pika për çështjen e Trustit”, është shprehur Tahiri.