Kryetari i Kuvendit të Kosovës, Glauk Konjufca ka njoftuar se seanca e rregullt plenare e paraparë për sot (e enjte) në orën 13:00, është shtyrë për të hënën për shkak të vdekjes së sekretares Madeleine Albright.

“Në konsultim me grupet parlamentare na u duk më e arsyeshme që për shkak të këtyre zhvillimeve ta zhvendosim këtë për të hënën në orën 10:00”, ka thënë Konjfuca.

Ndryshe presidentja Vjosa Osmani e ka shpallur nesër (e premte) ditë zie në Kosovë, në kujtim të sekretares së Shtetit, Madeleine Albright e cila ndërroi jetë dje në moshën 84-vjeçare.