Një tank rus hidhet në erë nga një raketë “Javelin” e përdorur nga ushtria ukrainase.

Raketa “Javelin”, e prodhuar në ShBA, mund të shihet duke fluturuar nga një lartësi përpara se të përplaset me tankun dhe duke shkaktuar një shpërthim të madh.

Raketa, pjesë e një serie armësh të dërguara në Ukrainë nga vendet perëndimore si ShBA-ja dhe Britania e Madhe, është shkatërruese ndaj tankeve, sepse armatura e tyre është më e hollë në majë.

Pamjet e dronit tregojnë tankun rus të ndalur në një rrugë, me një tank tjetër afër tij. Raketa “Javelin” më pas mund të shihet duke u harkuar në ajër dhe duke u drejtuar poshtë për të goditur tankun në anën e sipërme të blinduar hollë.

Pasi goditet, tanku rus shpërthen, duke ngrehur një shtëllungë tymi në ajër. Tanku i dytë, i cili ishte afër, shihet duke u kthyer me shpejtësi për ta shmangur shkatërrimin nga forcat ukrainase.

Në gati pesë muajt që kur ushtria Vladimir Putin pushtoi Ukrainën, 1 700 tanke janë shkatërruar nga forcat ukrainase, të cilët kanë mundur t’i shkaktojnë humbje të mëdha ushtrisë ruse falë armatimit dhe taktikave të avancuara perëndimore.