Trajneri i Atletico Madridit, Diego Simeone, ka folur pas disfatës nga Athletic Bilbao (2-1) në kuadër të xhiros së 33-të të La Ligas.

“Disa ditë më parë më pyetët cili është aspekti kyç i fitimit të ligës, është e qartë që është mentaliteti. Çelësi i fitores do të jetë balanca emocionale. Kjo humbje ndryshon gjërat, disa ditë më parë nuk perceptohej se do të luanim si pjesën e parë sot. Nuk e dimë çfarë do të ndodhë, por varet nga personaliteti dhe mentaliteti jonë tani e tutje”, ka thënë Simeone.

“Problemi është se nëse një problem përsëritet, siç është në rastin e pjesës së parë, problemi atëherë është tek trajneri. Kur një trajner nuk mund ta zgjidhë një situatë, diçka po shkon keq. Do të tentojmë të përmirësohemi”, ka shtuar  Simeone.