Sindikata e Pavarur e Minatorëve të “Trepçës” ka lëshuar një komunikatë për medie, duke treguar arsyet e ndërprerjes së grevës dhjetëditore.

Në njoftimin e kësaj sindikatë është bërë me dije se është arritur një marrëveshje.

“Me anë të kësaj marrëveshje legjitimohen kërkesat e minatorëve dhe greva e tyre 10 ditore, si reagim i drejtë dhe mesazh i qartë se situata në këtë gjigant metalurgjik duhet të ndërrojë njëherë e përgjithmonë. Deputetët që negociuan këtë marrëveshje së bashku me Bordin e Përkohshëm Mbikëqyrës të ndërmarrjes janë garantuesit dhe zbatuesit e marrëveshjes së shkruar dhe dakordancës se të katër pikat e marrëveshjes do të realizohen”, ka njoftuar  Sindikata e Pavarur e Minatorëve të “Trepçës”.