![](https://www.epokaere.com/wp-content/uploads/2024/08/sinner.jpg)
Sinner rezulton pozitiv në testet anti-doping, Gjykata nuk e ndëshkon
Jannik Sinner ka rezultuar pozitiv. Ky është lajmi i bujshëm që shokoi botën e tenistit botëror. 23-vjeçari italian sapo mbylli me sukses Turneun e Masterit Cinicinnati, ku arrit të triumfonte, por menjëherë u bë pjesë e një problematike shumë të rëndë. Pas kryerjes së analizave tenisti italian rezultoi pozitiv pasi rezultoi se kishte marrë një substancë të ndaluar të quajtur Clostebol.
Sipas Gjykatës së Pavarur, trajneri atletik i Sinnerit kishte përdorur një “spray” të blerë në farmaci për të trajtuar një prerje në gishtin e tij. Pasi produkti, që përmban substancën e diskutueshme, ishte aplikuar, fizioterapisti e trajtoi tenistin italian me një masazh pa përdorur doreza dhe duke shkaktuar kështu kontaminim. Por për faktin se Sinneri nuk ka qenë i ndërgjegjshëm për marrjen e kësaj substance dhe nuk ka treguar asnjë lloj neglizhence në përgatitjen e tij për turneun, nuk mori asnjë ndëshkim për vijueshmërinë e aktiviteteve nga ana gjykatës. Gjithashtu ATP, (shoqata ndërkombëtare e tenistëve botëror), të cilët madje në një deklaratë lidhur me këtë çështje inkurajuan që edhe tenistë të tjerë të tregojnë kujdesin maksimal së bashku me ekipet e tyre drejt përgatitjes dhe ndjekjes së protokolleve të miratuara, në mënyrë që të shmangen çfarëdolloj problematike lidhur me pjesëmarrjen e tenistëve në tunetë ndërkombëtar.
Mungesa e penalizimit të Sinner ka shkaktuar edhe shumë reagime, ku më kryesori ishte ai i tenistit australian Nick Kyrgios i cili u shpreh se Jannick Sinner duhet të ishte skualifikuar nga aktiviteti për të paktën dy vite.