Partia Demokratike e Kosovës nëpërmjet një paraqitje në sheshin kryesor të Prishtinës (“Skënderbeu”) ka përmbledhur listën prej 100 dështimeve në 100-ditëshin e punës së qeverisë së udhëhequr nga Albin Kurti.

Deputetja e PDK-së, Floretë Zejnullahu, ka thënë se dështimet e kësaj qeverie janë të mëdha dhe renditen që nga prishja e marrëdhënieve me ShBA-në, rrëzimi i qeverisë nga vetë partnerët e koalicionit në fillim të pandemisë, mbyllja me Shqipërinë dhe hapja e nënshtrimi ndaj Serbisë e deri te një sërë deklaratash të koordinuara kundër UÇK-së.

Gjithashtu, në listën e dështimeve PDK-ja ka përmendur edhe letrat që Kurti ka dërguar për zv/presidentin amerikan Mike Pence dhe deputetët e Parlamentit Evropian, duke thënë se në ato letra Kurti ka shpifur kundër kundërshtarëve politikë.

Aktivistët e PDK-së kanë paraqitur edhe një pankartë të madhe me 100 dështimet e qeverisë Kurti.

100 dështimet e Kurtit sipas PDK-së:

QEVERIA KURTI

100 dështime për 100 ditë

1. Rrëzimi i qeverisë e “ashtuquajtur e shpresës” në fillimin e shpërthimit të pandemisë covid-19
2. Lejimi i qindra zyrtarëve serb që të hyjnë e veprojnë në Kosovë duke cënuar rëndë rendin kushtetues dhe sovranitetin e shtetit
3. Vendimi anti-kushtetues i Qeverisë për kufizimin e lirisë së lëvizjes në datën 13 që u rrëzua nga Gjykata Kushtetutese
4. Vendimi anti-kushtetues i ministrit në detyrë Arben Vitia që u rrëzua mandej nga Gjykata Kushtetuese
5. Akuza ndaj SHBA-ve se ndërhyri në rrëzimin e Qeverisë së Kosovës
6. Bllokimi i fondeve të MC dhe sanksionet e tjera të ardhura nga SHBA-të
7. Deklarata e Shkëlzen Gashit, këshilltar i Kryeministrit Kurti, duke e quajtur Dick Martyn si mikun e madh të shqiptarëve, legjitimoj dhe konstatoi qëndrimet e Beogradit dhe të Moskës për gjoja  krimet e UÇK-së, si dhe modistancimi i Kryeministrit prej këtyre deklaratave ishte skandali i radhës
8. Tragjedia e Agon  Musliut që erdhi si pasojë e neglizhencës së institucioneve shtetërore duke kthyer qendrwn e studentwve nw “geto”
9. Papërgjegjshmëria e ministres Rozeta Hajdari duke thënë se Qeveria nuk ka  përgjegjësi për ekonominë, se “nuk e ka sjellë ajo koroanvirusin”
10. Implikimi i Lëvizjes Vetëvendosje me organizatën terroriste Syri i Popullit dhe mos-distancimi prej saj edhe pas dënimit prej gjykatës Gënjeshtra që i ka bërë Ambasadorit Grenell për premtimin e heqjes së taksës
11. Mashtrimi për gjoja marrëveshjen sekrete me Serbinë që u demantua nga Shtëpia e Bardhë
12. Tallja me Shtëpinë e Bardhë –e kuqe, e verdhë
13. Ofendimi i ulët ndaj orientimit seksual të Ambasadorit Grenell
14. Thyerja e protokollit dhe dekonspirimi i  Konferencës me dyer të mbyllura të Mynihut
15. Spekulimi i qëllimshëm me denoncimin e një kinse marrëveshje tradhëtie të Kosovës me NATO-n
16. Dëmtimi i marrëdhënieve me SHBA-të dhe refuzimi të komunikoj me zyrtarët e saj
17. Letrat shpifëse ndaj oponentëve politikë tek Mike Pence dhe europarlamentarët
18. Tendenca për ta përçarë komunitetin shqiptaro-amerikan
19. Largimi i investimeve amerikane të mbi 1 miliardë dollarë për Kosovën e Re me humbjen e 2000 vendeve të reja të punës
20. Sabotimi i përfaqësimit diplomatik të shtetit të Kosovës në Uashington duke larguar pothuaj të gjithë stafin diplomatik, pa asnjë arsye.
21. Nxitja e përçarjees mes SHBA-ve dhe BE-së në raport me Kosovën
22. Fushata e organizuar linçuese e militantëve të Vetëvendosjes ndaj Presidentit Trump dhe zyrtarëve të lartë amerikanë
23. Mashtrimi me numrin e ministrive, nga premtimi për 13 u bënë 15
24. Mashtrimi i diasporës duke eliminuar ministrinë e dedikuar për ta
25. Lejimi i shtrirjes së gjendjes së jashtëzakonshme të Beogradit në veri të Kosovës
26. Fshehja mashtruese e më pas arsyetimi i vendimit të strukturave paralele serbe për karantinimin e dy komunave të veriut
27. Pranoi të bisedoj me Serbinë pa kushte, duke hequr dorë nga premtimi për kërkim falje e kthim të të zhdukurve
28. Mashtrimi me reciprocitet ndaj Serbisë
29. Manipulimi me të dhënat zyrtare për pandeminë duke mos raportuar të dhënat që i përkasin shtetasve kosovarë me kombësi serbe
30. Lënia pas dore e shqiptarëve në veri në mëshirën e fatit
31. Bashkëpunimi i ngushtë me institucionet serbe por dështoi me Shqipërinë
32. Përgojimi i bisedave private me diplomatë e bartës institucionesh, si dhe dekonspirimi i bisedave sekrete duke kërkuar hapjen e transkripteve të Këshillit të Sigurisë gjë që përbën shkelje ligjore
33. Mashtrimi me mosmbajtjen e premtimit për luftën ndaj oligarkëve sikurse e dëshmon rasti tani i vazhdimit të homologimit të veturave
34. Nxjerrja abuzive e dokumenteve shtetërore nga Qeveria në mënyrë të dyshimtë pas orarit të punës
35. Mashtrimi me retorikën e Bashkimit Kombëtar duke mos marrë asnjë veprim për forcimin e lidhjes me Shqipërinë dhe duke prishur marrëdhëniet me qeverinë Rama
36. Emërimi zyrtar i këshilltarit serb që ka shprehur mbështetje publike për kriminelin Ratko Mlladiq
37. Koalicioni i fshehtë dhe favorizues me Listën Serbe rezultoi në dyfishim të pozitave të larta shtetërore për ta
38. Manipulimi me kinse uljen e numrit të zv/ministrave që mandej u kompensuan me rritjen enorme të numrit të këshilltarëve
39. Ministri Reka propozoi përmbushjen e aspiratës strategjike 100 vjeçare të Serbisë për të siguruar dalje në det duke folur për korridorin drejt Adriatikut
40. Kapja e shtetit nëpërmjet emërimeve të militantëve politikë nëpër borde
41. Kryeministri Abazi i Vetëvendosjes është zyrtari i parë i lartë i Kosovës që pranon publikisht ndarjen e veriut
42. Xhelal Sveçla i Vetëvendosjes privilegjon zyrtarët serb si Jabllanoviqi duke iu dhënë leje dhe diskriminon deputetët e Kuvendit të Kosovës
43. Mosreagimi i Qeverisë pas shkeljes së sovranitetit të Kosovës në rastin e hyrjes së xhandarmërisë serbe në Karaqevë
44. Dëmtimi i prodhimeve vendore duke hapur  tregun e Kosovës ndaj mallrave serbe që bëjnë konkurrencë të pandershme
45. Citimi dhe legjitimimi i Kushtetutës së Serbisë për çështje të brendshme të Kosovës
46. Zgjedhja e kryetares së Kuvendit me një seancë klandestine ku u përjashtua opozita
47. Mashtrimi me programin qeverisës i cili fillimisht u deklarua se është bërë brenda 48 orësh por që nuk u soll kurrë në Kuvend
48. Miratimi në mënyrë klandestine i një buxheti të mangët ku nuk ishin parashikuar fonde për pandeminë
49. Ndërprerja e projekteve strategjike me rëndësi shtetërore
50. Emërimi si Zv/Kryeministër Haki Abazit, i cili ka pasur akuza për keqpërdrim fondesh
51. Emërimi i shefit të stafit të kryeministrit Kurti, Luan Dalipi i cili është ndjekur dhe përfolur për korrupsion
52. Thirrje për vëllavrasje nga funksionarë të lartë të Vetëvendosjes
53. Vendimi i paligjshëm i ministrit Besnik Bislimi që binte ndesh me kompetencat e Kuvendit dhe ligjet në fuqi
54. Propozimi i një pakoje ekonomike që përveçse e vonuar dhe e paligjshme, është edhe e mangët, e pamjaftueshme dhe që diskriminon kategoritë që duhej mbështetur
55. Vendimi i paligjshëm i Xhelal Sveclës për lëvizjen e lirë të deputetëve
56. Vendimi i paligjshëm me Telekomin që shkon ndesh me parimet kushtetuese të konkurrencës së lirë
57. Afera korruptive me kontrata të negociuara të bëra me kompani që kanë pasur lidhje me ministrin Vitia
58. Afera e kontratës së KEK-ut, ku dyshohet se është bërë me mikun e ministres Rozeta Hajdari
59. Dhënia e dyshimtë e kontratës së mësimit në distancë
60. Vonesa me marrjen e masave të ndihmës ekonomike, duke rrezikuar bankrotin e kompanive private
61. Favorizimi i bizneseve të Vetëvendosjes gjatë masave të pandemisë
62. Vendimi i paligjshëm i ministrit Glauk Konjufca për të larguar ambasdorët e Kosovës nga shtetet më të rëndësishme
63. Ministrja Albulena Haxhiu shpërdoron automjetin zyrtar për punë private-fëmijët në shkollë
64. Ministrja e drejtësisë emëron në mënyrë të paligjshme si zyrtar ligjor militantin e LVV
65. Turpërimi i Kosovës duke dërguar letra në Komisionin e Venecias që mandej e refuzuan
66. Presioni  ndaj Gjykatës Kushtetuese nëpërmjet letrës dhe video mesazhit të Kurtit
67. Precedenti i mosrespektimit të vendimit të Gjykatës Kushtetuese të datës
68. Provokimi i qëllimshëm i prishjes së koalicionit në kohët e veshtira të pandemisë duke shkarkuar nënkryetarin e partisë aleate, Agim Veliun
69. Reagimi i vonuar kundër koronavirusit krahasuar me vendet e tjera që kishin nisur më herët  me masa
70. Testimi abuziv për qeveritarët të cilët nuk përmbushnin kriteret për të cilat autorizohet testimi
71. Xhelal Sveçla kërcënon deputetin dhe presidentin me arrestim e karantinim
72. Shkarkimi i bordit të QSKUK në mes të pandemisë dhe zëvendësimi me militantë
73. Mungesa e theksuar e testeve dhe testimeve në Kosovë
74. Improvizimi me masa kaotike e jo praktike që ndryshoheshin brenda pak ditësh
75. Neglizhenca e riatdhesimit duke braktisur mijëra qytetarë të bllokuar jashtë vendit
76. Dështimi me menaxhimin e riatdhesimit e karantinimit duke favorizuar militantë partiakë dhe njerëz me lidhje që janë liruar para kohe
77. Organizimi i dështuar i brendshëm i karantinës duke mos përmbushur kushtet minimale të nevojshme
78. Mashtrimi me 7000 teste
79. Dështimi me procesin e mësimit në distancë duke pranuar paushall rezultatet e para-pandemisë
80. Fyerja e fëmijëve dhe të rinjve të Kosovës prej deputetit të LVV, Dimal Bashës
81. Krijimi abuziv i fondit të donacioneve të diasporës dhe dështimi eklatant i kryeministrit Kurti
82. Mashtrimi me rezervat e shtetit, ndërkohë që kjo Qeveri ka trashëguar mbi 470 milionë euro dhe borxhin publik më të ulët në rajon
83. Shfrytëzimi abuziv i pandemisë duke transmetuar spote të ministrit Vitia gjatë orareve të transmetimit të programeve të shkollimit në distancë
84. Thirrja e protestave nga militantë të LVV në kohë pandemie
85. Ka mashtruar me uljen e pagave kur për këtë gjë pritet vendimi i Gjykatës Kushtetuese lidhur me ligjin e miratuar në Kuvend
86. Ka mashtruar duke e quajtur puç vendosjen e gjendjes së jashtëzakonshme ndërkohë që kjo gjë parashikohet nga Kushtetuta dhe u vendos nga 25 shtete evropiane
87. Shpërfillja e profesionistëve dhe emërimi i militantëve partiakë në kabinete ministrore
88. Joserioziteti i vendimit absurd të Qeverisë Kurti ku lejoi veprimtari ekonomike si mbarështimi i deveve dhe gamileve si dhe prodhimi i anijeve kozmike
89. Linçimi i mediave dhe gazetarëve prej zyrtarëve të lartë të Qeverisë Kurti
90. Polarizimi i jetës politike në Kosovë dhe rritja e gjuhës së urrejtjes brenda shoqërisë
91. Këshilltari i Kurtit, Elvis Hoxha, legjitimion deklaratat anti-kosovare të analistëve serb dhe poshtëron Kuvendin e Kosovës duke i quajtur deputetët banditë
92. Mashtrimi me demarkacionin duke mos ndërmarrë asnjë veprim për të ndryshuar marrëveshjen e kufirit me Malin e Zi
93. Qeveria Kurti shndërrohet në qeverinë më të izoluar që ka pasur Kosova duke mos u ftuar në asnjë vizitë bilaterale dhe as në ngjarje ndërkombëtare
94. Mashtrimi me premtimet e mëparshme duke kapitulluar para serbëve nëpërmjet pagesës së 10 milionë eurove  për rrymën ndaj serbëve të veriut
95. Pretendimi se qeveria Kurti do vepronte kundër luksit ndërkohë që mbajti mbledhjen në hotelin luksoz të Sharrit dhe mbajti makinat luksoze të parardhësve
96. Shkarkimi i zyrtarëve të lartë pa respektuar procedurat ligjore
97. Nënkryetarja e Lëvizjes Vetëvendosjes mbështet qëndrimet dhe akuzat serbe për krime lufte të drejtuesve të UÇK-së
98. Pranimi i 1000 testeve nga Serbia duke i dhënë mundësinë për rehabilitim ndërkombëtar; nga agresori në humanist
99. Hapja e kufirit me Serbinë dhe mbyllja e atij me Shqipërinë
100. Mashtrimi i ministrit Besnik Bislimit me uljen e papunësisë në 6,6% gjatë kohës së pandemisë

(B. D.: ‘Epoka  e re’)