Lideri i Aleancës për Ardhmërinë e Kosovës (AAK), Ramush Haradinaj,  ka thënë se deklarata e përbashkët e Shteteve të Bashkuara të Amerikës (ShBA) dhe Bashkimit Evropian (BE) është udhrrefyes që duhet ta ndjekë Kosova.

Ai ka thënë se falë ShBA-së dhe BE-së është gjetur zgjidhja për parandalimin e situatës shpërthyese në veri të Kosovës.

“Deklarata e përbashkët ShBA-BE si përcaktim që problemet e hapura me Serbinë të zgjidhen me mjete politike, është udhërrëfyes që duhet ndjekur edhe ne si Kosovë.  Falë Amerikës dhe BE-së, edhe një herë u gjet zgjidhja për një situatë shpërthyese në veri të vendit.  Si gjithmonë edhe këtë herë u dëshmua se partneriteti me ShBA dhe BE nuk ka alternativë”, ka shkruar Haradinaj në “Facebook”.

ShBA-ja dhe BE-ja të shqetësuara për tensionet e vazhdueshme në veri