Një përballje e ashpër ka ndodhur në shtëpinë e Big Brother VIP Albania mes dy banoreve, Gertes dhe Rozanës, duke nxitur emocione të forta mes të pranishmëve dhe debat të gjerë në rrjetet sociale.

Shkak i situatës ka qenë një diskutim rreth konceptit të familjes, i cili eskaloi në një konflikt të ashpër verbal mes tyre.

Gertes iu drejtua Rozanës me fjalët: “Je nënë dhe s’të vjen turp”, një koment që e acaroi thellë këtë të fundit.

Në kundërpërgjigje, Rozana ia vuri në dukje faktin që ajo vetë nuk ka fëmijë, duke e thelluar tensionin mes të dyjave. Ky moment i vështirë krijoi një atmosferë të rëndë në shtëpi, ku banorët e tjerë u ndjenë të detyruar të ndërhynin.

Situata u tensionua aq shumë sa që G Bani, një nga banorët më të vlerësuar për qetësinë dhe neutralitetin e tij, u detyrua të vendosej mes dy vajzave për të parandaluar çdo përshkallëzim të mëtejshëm të debatit.

Ndërhyrja e tij u shoqërua me mbështetje nga banorët e tjerë, të cilët gjithashtu u përpoqën të qetësonin palët.

Ky moment i debatit ka ngjallur reagime të shumta nga publiku, duke ndarë ndjekësit në mendime të ndryshme. Disa kritikuan mënyrën se si u trajtua tema e familjes, ndërsa të tjerë shprehën keqardhje për tensionin e krijuar.

A post shared by Big Brother Alb VIP Edition (@bigbrotheralb_vip)

A post shared by Big Brother Alb VIP Edition (@bigbrotheralb_vip)