Rezoluta e propozuar nga AAK-ja në seancën e 24 dhe 25 shkurtit, në lidhje me zhvillimet në dialogun Kosovë-Serbi, nuk ka kaluar të mërkurën në Kuvendin e Kosovës.

21 deputetë kanë votuar për, kundër asnjë ndërkohë 43 kanë abstenuar, dhe si pasojë e kësaj, nuk ka pasur numër të mjaftueshëm të votave që të kalojë si rezolutë.

Shefi i grupit parlamentar i AAK-së, Besnik Tahiri, e ka paraqitur rezolutën pikat e të cilës ishin: 1. Dialogu Kosovë-Serbi duhet të jetë në nivel politik dhe jo në atë teknik, si dhe të udhëhiqet nga kryeministri i Kosovës. 2. Dialogu duhet të fokusohet në njohje të ndërsjellë dhe në ulëse në OKB.