Një politikan australian është dënuar për furnizim me drogë pasi fillimisht hodhi poshtë akuzën, teksa një video e tregonte duke thithur një substancë të bardhë. Ai tha se video është e rreme.

Ish-lideri i Partisë Liberale të Australisë Jugore, David Speirs, u gjobit me 9,000 dollarë australianë (4311 £; 5,720 dollarë) dhe u urdhërua të kryejë 37.5 orë shërbim komunitar nga një gjykatë në Adelaide të enjten.

Speirs u arrestua në shtator pasi pamjet e tij duke thithur drogë nga një pjatë u publikuan nga News Corp. Ai fillimisht mohoi shkeljet dhe tha në media se janë lajme të rreme e se nuk ka përdorur kurrë kokainë.  Megjithatë, ai më vonë pranoi se kjo ishte një gënjeshtër dhe se nga skadali, më vonë dha dorëheqjen. Muajin e kaluar, Speirs u deklarua fajtor për furnizimin me kokainë të dy burrave në gusht.

Mbrojtja e Speirs tha se ai përdori drogë “si një formë ikjeje” nga stresi i punës së tij, por veprat penale nuk ndodhën në vendin e punës. Çështja kishte shkaktuar një reagim të ashpër nga mediat, me prokurorët që argumentonin se ishte në interes të publikut, duke pasur parasysh pozicionin e lartë të Speirs në politikë.

Avokati i tij i kishte kërkuar më parë gjykatës të mos e regjistronte dënimin në mënyrë që klienti i tij të mund të udhëtonte jashtë shtetit, por gjyqtari tha se veprat penale ishin “shumë serioze”. “Nevoja për denoncim publik për këtë lloj vepre penale dhe nevoja për parandalim të përgjithshëm është shumë e madhe për t’u përmbajtur nga regjistrimi i një dënimi”, tha gjyqtari Brian Nitschke të enjten.

Nitschke pranoi mbrojtjen e Speirs se veprat penale ndodhën gjatë një kohe stresi, por shtoi se kjo “sigurisht nuk ishte justifikim”. Speirs mori rolin e udhëheqësit liberal të Australisë së Jugut në vitin 2022 dhe kishte shërbyer 10 vjet si anëtar i parlamentit. Ai nuk foli për mediat pas dënimit.