Komuna e Skenderajt ka filluar zbatimin e projektit për ndërtimin e Subqendrës në fshatin Qirez, e cila do të shndërrojë këtë fshat në një qendër moderne.

Kryetari i komunës, Fadil Nura është shprehur se investimi më i madh në Qirez po bëhet realitet.

“Është një projekt i rëndësisë së veçantë për të transformuar edhe këtë lokalitet në një qendër mirë të rregulluar me hapësira të modernizuara për afarizëm, bulevard të gjerë me infrastrukturë përcjellëse dhe qendrën rekreative“, ka shkruar Nura.