Drin Kokaj ka shënuar rezultatin më të mirë në karrierën e tij në garat e Federatës Ndërkombëtare të Skitarisë (FIS).

Skitari i Kosovës, shpresë Olimpike 2022, përmbushi një nga pesë kriteret e nevojshme për normë olimpike për Lojërat Olimpike Dimërore “Pekini 2022”, disiplina e sllallomit.

18-vjeçari arriti 151.19 pikë në garën e sotme, të mbajtur në Kollashin të Malit të Zi, derisa u rendit i nënti nga 27 garues, 11 prej të cilëve nuk e përfunduan njërën nga dy garat. Rezultati i tij ishte 1 minutë, 39.03 sekonda.