Në mënyrë të papritur, qendërmbrojtësi sllovak i PSG-së, Milan Skriniar ka zgjedhur të vijojë gjysmën e dytë të sezonit në Stamboll tek Fenerbahçe e Jose Mourinhos. Skriniar po i bashkohet Fenerbahçes në formë huazimi nga kampionët parisienë.

Fabrizio Romano njofton se mbrojtësi sllovak është rrugës për në Stamboll, ku do të kryejë vizitat mjekësore dhe nënshkruajë kontratën, pasi marrëveshja mes të gjitha palëve është mbyllur tani.