Ish-futbollisti holandez, Wesley Sneijder ka thënë se e kishte merituar “Topin e Artë” në vitin 2010. Holandezi ishte mahnitës atë vit duke fituar të gjitha trofetë me Interin, por “Topin e Artë” e fitoi Messi.

Në një intervistë së fundmi, ai është pyetur nëse Messi ia ka vjedhur “Topin e Artë” më 2010, për të cilën ka thënë haptas se e meritonte.

“Po. Por, të jemi të sinqertë, jam mese i lumtur me faktin se në vitin 2024, 14 vite më vonë njerëzit ende flasin. Shpesh më thonë ‘Wes, të vodhën në 2010’. Po ta fitoja atëherë ndoshta do të thoshin ‘E ka vjedhur’. Çmimet individuale janë të mira, por trofetë si Liga e Kampionëve janë më shumë të vlefshme për mua”, ka thënë Sneijder.