Ole Gunnar Solskjaer ka kompletuar kalimin e tij te Beshiktashi duke u emëruar trajner i ri i klubit turk. Trajneri holandez, Giovanni Van Bronckhorst është shkarkuar nga Besiktasi pas vetëm pesë muajsh në krye të gjigantit turk duke lënë për gati dy muaj vendin e lirë. Megjithatë, kjo situatë nuk ka shkuar në pafundësi pasi Beshiktashi ka reaguar duke arritur marrëveshje me trajnerin e ri, Solskjaer.

Solskjaer në Aeroportin Ataturk u prit nga drejtuesit Hakan Daltaban dhe Kaan Kasaci, si dhe anëtarja e bordit Merve Oztopaloglu. “Jam shumë i kënaqur që jam këtu. Është e mrekullueshme të kesh kaq shumë njerëz këtu për këtë klub të madh. Kemi pasur takimet e para. Mezi pres të filloj punën time. Është fantastike të jesh në këtë qytet të mrekullueshëm”, ka thënë Solskjaer. Ish-trajneri i Manchester United thuhet se ka nënshkruar kontratë deri në verën e vitit 2026, teksa aty do të takojë edhe dy futbollistët shqiptar, Milot Rashica dhe Ernest Muçi.

🚨🇳🇴 Ole Gunnar Solskjær's first words as the new Beşiktaş manager… ⚫️🛬

"It's great to be here, it's very nice to see so many people care about this fantastic club!" (@trtspor) pic.twitter.com/9dpd53VR0K

— EuroFoot (@eurofootcom) January 17, 2025