Kombëtarja e Shqipërisë sonte do të përballet me Andorrën në “Arenën Kombëtare”.

Kuqezinjtë dhe Andorra do të ballafaqohen në kuadër të xhiros së dytë të kualifikueseve për Kupën e Botës 2026.

Shqipëria në duel me Andorrën vjen pas disfatës në udhëtim tek Anglia (2-0), ndeshje kjo e luajtur tri ditë më parë në “Wembley”.

Kuqezinjtë të dielën mbrëma kanë zhvilluar seancën e fundit para sfidës me Andorrën.

Sipas mediave shqiptare të gjithë lojtarët janë stërvitur normalisht dhe do të jenë në dispozicion të trajnerit Sylvinho për ndeshjen sotëm ndaj Andorrës.

Trajneri i Shqipërisë, braziliani Sylvinho në konferencën e fundit para duelit me Andorrën, ka thënë se “skuadra e tij nuk guxon të gabojë ndaj Andorrës”.

Ndeshja Shqipëri-Andorrë fillon në orën 20:45.