Sonte (e mërkurë) do të zhvillohet ndeshja e mbetur e xhiros së tretë të Prince Caffe Superligës ndërmjet Trepçës dhe Sigal Prishtinës. Sfida zhvillohet nga ora 19:00 në “Minatori” të Mitrovicës ku, si zakonisht, pritet një atmosferë e bukur sportive.

Ky takim ishte shtyrë për shkak të pjesëmarrjes në garat evropiane të këtyre dy skuadrave. Këto dy skuadra renditen në pozitat tre dhe katër, me tri fitore e një humbje, andaj pritet një përballje shumë interesante mes këtyre dy skuadrave.