Zonja e bukur
Fluturimthi erdhi në përqafimin tim .
E njejta syshkruar e fjalë bekuar.

E njejta me aromën e njejtë Bvulgari më dha ndjesinë qëmoti tè nuhatur.
Nga fustani i saj spërkatur aromë gruaje më erdhi një përqafim marramendjeje e këndshme.

Lëvizjet që i bënte rreth meje dhe ardhja e saj, korridoreve lënte aromë trëndafilash të freskët.

Pamjen e saj ekstravagante në parakalim, sikur pritnin ta përshëndetnin të gjithè të pranishmit rreth saj.

Me sinqeritetin më të madh, shkrepte buzëqeshje dhe me admirim fliste për jetèn dhe synimet e saj.

Shkëlqesia e saj e ushqyer me dashuri dhe mirësjellje ishte për t’u admiruar.

Nga fjalët e gojëmblës shihej
çiltërsia e shpirtbardhës në sytë e saj.

Duhet tejkaluar shumë gjëra për të arritur një qëllim të madh – tha zonja dhe porsi flutur iku në valëvitje flokësh të derdhura mbi supet e saj.

14.08.2020
Valbona R.Hadri