Fundjava do të sjellë ndeshje shumë interesante në Ligën Unike, ku zhvillohet xhiro e dytë. Sfida e parë do të zhvillohet të shtunën ndërmjet Rahovecit dhe Teutës.

Vreshtarët pësuan në xhiron e parë nga Tirana, kurse durrsakët pësuan humbje nga Peja. Rahovecasit kanë bërë disa përforcime në ditët e fundit dhe shpresojnë të fillojnë me rezultate pozitive, pasi nuk e kanë nisur aspak mirë këtë edicion.

Përballja e dytë do të zhvillohet ndërmjet dy skuadrave nga Shqipëria, Kamza Basket dhe Vllaznisë. Kamza në javën e parë mundi Prizrenin 16, kurse Vllaznia pësoi humbje nga Golden Eagle Ylli.

Ndeshja pritet të jetë mjaft interesante. Dueli kryesor do të zhvillohet ndërmjet Golden Eagle Yllit dhe Pejës, apo kampionit dhe nënkampionit të Kosovës dhe Ligës Unike. Skuadra nga Theranda, gjithashtu, është kampione e Ligës Unike dhe fituese e Superkupës Mbarëkombëtare.

Të dyja skuadrat që e filluan me fitore kanë ambicie të mëdha në këtë edicion, andaj përballja do të jetë shumë interesante. Në përballjen e fundit do të ndeshen Tirana Neptun dhe Prizreni 16.

Skuadra kryeqytetase fitoi Kupën e Federatës në Shqipëri, kurse Prizreni 16 ka fituar Superkupën e Kosovës. Kryeqytetasit në xhiron e parë mundën Rahovecin, kurse prizrenasit pësuan nga Kamza.

Liga Unike – Xhiro 2

Të shtunën takohen:
17:00 Rahoveci – Teuta
19:00 Kamza – Vllaznia

Të dielën takohen:
17:00 Golden Eagle Ylli – Peja
19:00 Tirana Neptun – Prizreni 16