Java e 21-të në Superligën e Kosovës në basketboll do të vazhdojë gjatë ditës së sotme me dy ndeshje interesante.

Pas fitores së Bashkimit mbrëmë ndaj Pejës, një ndeshje tjetër derbi zhvillohet sonte.

Sfidë mjaft interesante shihet ajo mes Trepçës dhe Yllit, vendit të parë, përkatësisht të katërt në renditje.

Mitrovicasit janë liderë me 18 fitore e dy humbje, kurse therandasit kanë 12 fitore e tetë humbje.

Të premten po ashtu do të përballen Prizreni me Istogun.

Prizrenasit janë në vendin e shtatë me pesë fitore e 15 humbje, kurse istogasit të fundit me vetëm një fitore e 19 humbje.