Kjo e premte në veçanti, sot (13 Shtator 2019), do të ketë hënën e plotë e të kuqe që do të ndriçojë më shumë se zakonisht.

E premtja e datës 13 njihet si datë e frikshme, ose tersi, nga shumë kultura. Ndonëse janë besëtytni, historia është në fakt plot me tmerre që kanë ndodhur pikërisht në këtë datë, por po ju sjellim vetëm pesë prej tyre:

1. Kanibalizmi në Kili. Të Premten më datë 13 të vitit 1972, një avion me lojtarë regbije nga Uruguaji u rrëzua në malet e Kilit. 27 prej 45 udhëtarëve mbijetuan, por vetëm sepse u ushqyen me trupat e shokëve të vdekur. Por një ortek vrau edhe tetë të tjerë. Vetëm 16 mbijetuan deri në fund.

2.Të Premten dt 13, 2012, kryqëzori Costa Concordia u përmbys në Toskanë të Italisë, duke shkaktuar vdekjen e 32 personave. Kapiteni u shpall fajtor dhe dëmi ishte me miliarda euro. (Photo by Laura Lezza/Getty Images)

3. E premte, 13 Mars 1964, 28 vjeçarja Kiti Xhenoveze u përdhunua dhe u vra në një zonë apartamentesh në Nju Jork. Ngjarja u bë shumë e famshme sepse krimi u dëshmua nga 30 kalimtarë dhe asnjeri nuk ndërhyri. Prej kësaj u quajt “Dukuria Xhenoveze”, kur kalimtarët shohin e nuk ndërhyjnë.

4. Të premten e 13 Nëntorit, 1970, Bangladeshi u godit nga një ciklon që shkaktoi përmbytje të mëdha, duke vrarë më shumë se 500,000 njerëz. Bagëtitë u shfarosën dhe në zonën e goditur ra zia e urisë për shumë kohë më pas.

5. Të premten më datë 13 të vitit 1939 u dogjën rreth 20,000 kilometra katror territor në Australi, duke djegur 1300 shtëpi e duke vrarë 71 njerëz. Flakët shkatërruan disa qytete. top-channel