Fillimi astronomik i pranverës: ekuinoks

Profesori universitar, Perparim Ahmeti, përmes një postimi i llogarinë e vet në “Facebook”, ka bërë të ditur se sot në ora 16:32 minuta fillon stina e Pranverës.

Postimi i plotë i Ahmetit:

Në dy ekuinokset në mars dhe shtator, pika nën diellore – d.m.th. vendi mbi të cilin dielli është në zenitin e tij (saktësisht vertikal) – kalon ekuatorin.

Në mars, pozicioni zenit i diellit lëviz nga hemisfera jugore në hemisferën veriore.  Sipas përcaktimit astronomik, ky moment shënon fillimin e pranverës në veri të ekuatorit dhe fillimin e vjeshtës në jug të tij.

Në shtator, pika nën diellore kalon përsëri ekuatorin në jug.  Pastaj vjeshta fillon në hemisferën veriore dhe pranvera në hemisferën jugore.