Sot do të nisë procesi i vaksinimit për punonjësit e transportit publik në Shqipëri.

Punonjësit e transportit publik do të marrin dozën e vaksinës në çadrën e ngritur prej disa javësh në sheshin “Skëndërbej” ku dhe po kryhet procesi i vaksinimit masiv të popullatës.

Ndërkohë në ditët në vijim, ky proces do të vijojë edhe me vaksinimin e punonjësve të transportit ndërqytetës.

Vaksinimi në Shqipëri po vazhdon prej javëve të para të Janarit, me vaksinat ‘Pfizer’ ‘Astra-Zeneca’, ‘Sputnik V’ dhe ato kineze, ndërkohë që objektivi i Ministrisë së Shëndetësisë është të arrihen 1 milion vaksinime deri në muajin qershor.