Në mesjavë zhvillohet xhiroja e 11-të në Ligën Unike, e cila sjell përballje interesante. Takimi i parë zhvillohet në mes të Teutës dhe Kamza Basket. Durrsakët kanë pesë fitore e katër humbje, kurse skuadra nga Kamza ka dy fitore e tetë humbje.

Sfidë interesante pritet të zhvillohet ndërmjet rivalëve Golden Eagle Yllit dhe Rahovecit. Therandasit kanë tetë fitore dhe një humbje, kurse Vreshtarët katër fitore e gjashtë humbje. Ylli është në top formë, duke kryesuar në Ligën Unike dhe Art Motion Superligë, kurse rahovecasit janë përballur me ulje-ngritje gjatë gjithë edicionit. Ndeshjet mes këtyre dy skuadrave kanë qenë interesante në vitet e fundit dhe kështu pritet edhe të mërkurën mbrëma.

Takim interesant pritet në mes të Pejës dhe Tirana Neptunit. Pejanët kanë shtatë fitore dhe tri humbje në këtë edicion të Ligës Unike, ndërsa tiranasit kanë pesë fitore dhe pesë humbje, andaj pritet një përballje interesante, ku të dyja skuadrat synojnë “play-off”-in dhe të renditen sa më lart në garat e rregullta.

Takimi i fundit i kësaj xhiroje zhvillohet ndërmjet Prizrenit 16 dhe Vllaznisë së Shkodrës. Prizrenasit kanë gjashtë fitore dhe katër humbje, kurse shkodranët dy fitore dhe tetë humbje.

LIGA UNIKE – Java 11

Të mërkurën takohen:
16:00 Teuta – Kamza
17:00 Golden Eagle Ylli – Rahoveci

Të enjten takohen:
17:00 Peja – Tirana
19:00 Prizreni 16 – Vllaznia