Pas infektimit me Covid-19, ka vdekur dje, në moshën 66-vjeçare, veprimtari i çështjes kombëtare, Rexhë Mehmet Krasniqi.

Rexhë Krasniqi ishte veprimtar i viteve ’90 i çështjes kombëtare, një nga themeluesit e shoqatës për kthimin e shqiptarëve dhe veteran i Ushtrisë Çlirimtare të Kosovës.

Me profesion inxhinier i diplomuar i teknologjisë, Rexhë Krasniqi ka dhënë kontribut të të madh edhe në Fabrikën e Birrës së Pejës, si drejtor teknik që nga vitet ’70 deri me dëbimin e tij nga puna në vitin 1989, duke vazhduar punën pas çlirimit.

Varrimi i tij do të bëhet sot në vendlindjen e tij në fshatin Poqestë, Komuna e Pejës, në orën 16:00.