Në kuadër të javës së 15-të në BKT Superligën e Kosovës në futboll, sot (e martë) do të zhvillohen dy ndeshje.

Në kryeqytet Prishtina e pret skuadrën e Feronikelit me synim që ta regjistrojë fitoren e parë nën drejtimin e trajnerit.

Në anën tjetër, “Nikli” nuk po arrin rezultate pozitive dhe kjo ndeshje pritet të jetë mjaft e vështirë për klubin nga Drenasi. Ndeshje interesante pritet të zhvillohet në Klinë në mes të Dukagjinit dhe Ulpianës.

Dukagjini pas barazimit xhiron e kaluar kundër Prishtinës, tash synon t’i marrë tri pikët maksimale nga kjo ndeshje. Nesër (e mërkurë) zhvillohen tri ndeshjet e tjera, përfshirë edhe derbin me të madh në vend në mes të Gjilanit dhe Dritës.

Këto dy skuadra ndajnë dy pozitat e para dhe do të përpiqen të shënojnë fitore dhe të jenë lidere në Superligë. Në ndeshjen tjetër Ballkani që pësoi debakël nga Llapi, tash synon këndelljen kundër Malishevës.