Sot (e mërkurë) zhvillohen tri ndeshje të tjera të javës së katërt në elitë, përfshirë edhe derbin në mes të Llapit dhe Ballkanit.

Skuadra e drejtuar nga Tahir Batatina në dy ndeshjet e zhvilluara ka pësuar dy humbje dhe është në kërkim të fitores së parë në këtë edicion. Në anën tjetër Ballkani ka treguar stabilitet në ndeshjet e para dhe ka arritur që nga tri ndeshjet t’i fitojë dy dhe një tjetër të marrë barazim. Kjo ndeshje zhvillohet në stadiumin “Zahir Pajaziti” dhe do ta ketë vëmendjen e tërë opinionit futbolldashës.

Ndërsa kampionia në fuqi, Drita nga Gjilani, sot e zhvillon ndeshjen e parë në edicionin e ri sepse ndeshjet e para nuk i zhvilloi për shkak të pjesëmarrjes në garat ndërkombëtare. Ndeshja e parë për kampionët do të jetë ndaj Besës së Pejës. Ndeshja tjetër është ajo në mes të Trepçës ’89 dhe Prishtinës. Të enjten zhvillohet ndeshja e fundit për këtë xhiro në mes të Drenicës dhe Gjilanit.

SUPERLIGA

Arbëria – Feronikeli          0-0

Të mërkurën takohen:
15:00 Llapi – Ballkani
15:00 Trepça ’89 – Prishtina
15:00 Drita – Besa

Të enjten takohen:
15:00 Drenica – Gjilani

(Epoka e re)