Sot (e shtunë) zhvillohen katër ndeshje të javës së nëntë në IPKO Superligën e Kosovës në futboll.

Ndeshja derbi zhvillohet në stadiumin “Fadil Vokrri” në mes të Prishtinës dhe Llapit, skuadra të cilat synim kanë titullin e kampiones në këtë edicion. Skuadra e Prishtinës në ndeshjen e fundit iu kthye fitoreve në Prizren, pasi e mposhti Lirinë me rezultat 0-1, kurse Llapi, edhe pse me një lojtar me shumë në pjesën e dytë, pësoi humbje nga Feronikeli në ndeshjen e zhvilluar në Podujevë (0-1).

Skuadra lidere e elitës, Feronikeli, ka punë më të lehtë në këtë xhiro, pasi e pret në Drenas skuadrën e fundit në tabelë. Dy ndeshjet e tjera që zhvillohen të shtunën janë Ballkani – Ferizaj dhe Drenica – Drita. Të dielën zhvillohen dy ndeshjet e fundit për këtë xhiro, kurse takohen Gjilani – Liria dhe Trepça ‘89 – Flamurtari.

IPKO Superliga

Të shtunën takohen:

15:00 Ballkani – Ferizaj
15:00 Feronikeli – KEK-u
15:00 Drenica – Drita
17:45 Prishtina – Llapi

Të dielën takohen:

15:00 Gjilani – Liria
15:00 Trepça ‘89 – Flamurtari

/Epoka e re/