Arsenali e ka nisur keq sfidën me Southampton për javën e 32-të duke barazuar me Southamphtonin me rezultat 3-3 në kuadër të javës së 32-të të Ligës Premier.

Ndeshja nisi me gol, pasi që mysafirët shënuan që në minutën e parë me Carlos Jonas Alcaraz pas një gabimi trashanik të portierit Ramsdale.

Topçinjtë e kanë parë veten me disavantazhin e 2 golave ku miqtë shënuan me

Alcaraz 1′ dhe Walcott 14′, ky i fundit ish lojtar i Arsenalit.

Vendasit u kthyen në lojë në minutën e 20-të, kur Gabriel Martinelli shënoi për 2-1 pas asistimit të Bukayo Saka.

Pjesa e parë edhe pse kishte raste të tjera gola më shumë solli.

Kur pritej që Arsenali të kthehej në lojë, në skenë doli Duje Caleta-Car që shënoi me kokë për 3-1.

Topçinjtë vazhduan me sulme për të tentuar të hapnin ndeshjen dhe këtë e bën në minutën e 88-të me kapitenin Martin Odegaard që shënoi për 3-2.

Pas dy minutash stadiumi Emirates ishte në festë, pasi Bukayo Saka barazoi për 3-3.

Tetë minuta shtesë nuk ishin të mjaftueshme për Arsenalin të shënonte golin e fitores dhe iu desh të pajtohej me barazim.

Arsenal mbetet lider me 75 pikë, pesë më shumë se Man City, që ka dy ndeshje më pak.