Gjykata Supreme e Spanjës zyrtarisht i ka kërkuar Parlamentit Evropian të shfuqizojë imunitetin udhëheqësve separatist katalanas, Carles Puigdemont dhe Toni Comin.

Gjykata ka përsëritur kërkesën e saj drejtuar autoriteteve belge për të arrestuar dhe dorëzuar Puigdemont dhe Comin në Spanjë, thuhet në një deklaratë.

Puigdemont dhe Comin janë zgjedhur si anëtarë të Parlamentit Evropian në maj të vitit 2019, dhe muajin e kaluar, Gjykata e Lartë e Bashkimit Evropian ka venduar që të dy zyrtarët posedojnë imunitet si eurodeputetë të zgjedhur.

Ata ikën në Belgjikë në vitin 2017, pas përpjekjes së dështuar të Katalonisë për pavarësi nga Spanja.

Gjykata Supreme e Spanjës ka dënuar liderë të tjerë katalonas, me disa vite burgim, për rolin e tyre në përpjekjen për të mbajtur një referendum për pavarësi.