Gjuha spanjolle për herë të parë do të jetë si lëndë në Universitetin e Prishtinës “Hasan Prishtina”.

Ligjërata e parë do të jetë nesër ( e premte) nga ora 12:00, ku ligjërues do të jetë profesori i Universitetit të Tiranës, Serxho Rama.

Lajmin e ka bërë me dije Parlamenti Studentor i UP-së me anë të një postimi në faqen zyrtare në “Facebook”.

“Dashamirët e gjuhës spanjolle për herë të parë do të kenë një vend për ta mësuar këtë gjuhë, falë iniciativës së Fakultetit të Filologjisë të UP-së që këtë gjuhë ta vendosë si lëndë zgjedhore në programin e këtij viti akademik. Ligjëratën e parë të kësaj lënde do ta mbajë profesori nga Universiteti i Tiranës, Serxho Rama, e cila do të zhvillohet nesër, më 4.09.2019, në orën 12:00”, ka shkruar Parlamenti Studentor i UP-së.