Dhomat e Specializuara të Kosovës në Hagë kanë bërë me dije se Paneli i Gjykatës së Apelit e ka refuzuar apelin e Isni Kilajt që t’i ndërpritet masa e paraburgimit.

Ish-kryetari i Malishevës vazhdon të mbahen në paraburgim pasi i njëjti akuzohet për pengim të drejtësisë.

Kilaj është arrestuar më 3 nëntor pas një urdhërarresti të lëshuar nga Zyra e Prokurorit të Specializuar (ZPS).

“Kilaj u arrestua për vepra penale kundër administrimit të drejtësisë, përfshirë pengimin e personave zyrtarë në kryerjen e detyrave zyrtare brenda kuptimit të nenit 401 të Kodit Penal të Kosovës dhe shkeljen e sekretit të procedurave”, ka njoftuar ZPS-ja.