Shkruan: Shenoll Muharremi

Zgjedhjet, përpos që janë sfiduese por edhe argëtuese në raste, janë gjithashtu një rasti i mirë për të mësuar dhe me u përgatitë për të ardhmen. Secili proces zgjedhor i ka mësime që munden për të na shërbyer me na bë më të fortë në të ardhmen.
E kemi parë se si p.sh fillimisht LVV donte “o krejt, o asgjë”… Nuk e mori, por pa megjithatë fitoi, shumë! Pastaj tek rasti i PDK. E gjeti “potencialin e humbur”, u rikuperua nga viti 2021 dhe u ndie mirë me rezultatet në Kosovë. E në diasporë? Ishte një shok! LDK u trondit nga rezultatet në Kosovë, por tani po ndihet mirë nga lajmet pozitive që po merr nga diaspora. Po lufton për një mandat më shumë deri në votë e fundit.
Disa nga gjërat që mësuam këto zgjedhje:
1. Mos u gëzo para kohe. Çdo gjë mund të ndryshojë në momentin tjetër. Shifrat janë si deti valë-valë, lart e poshtë. Nganjëherë pa paralajmërim. Gëzimi mund me u kthye në zhgënjim dhe anasjelltas. Kështu që, ‘stay cool’ dhe sa më pak emocione. Durim dhe diciplinë.
2. Mos e bë arrogant. Politika është maratonë, jo një sprint 200 metra. Bashkëpunimi është çelësi. Shkelja e të tjerëve të bën të dukesh i fuqishëm për disa minuta, por pastaj dukesh i dobët. Bëhu modest dhe bashkëpuno me tjerët.
3. Shiko përtej interesit të ngushtë. Kur punon vetëm për veten apo një grup të ngushtë, nuk duket që mundesh me shku larg. Rezultatet afatgjata vijnë nga solidariteti dhe shikimi përpara. Një shoqëri e fortë krijohet kur mendojmë për të gjithë, jo vetëm për një grup.
4. Mos i konsidero zgjedhjet si “jetë a vdekje”. Zgjedhjet janë thjesht një ndalesë, një stacion, në një udhëtim të gjatë. Ata që i shohin si diçka kritike janë më të prirur të gabojnë. Marrin vendime me dobi afatshkurtra, por me potencial negativ afatgjatë. Duhet e kundërta. Sidomos aplikimi i rregullit ‘gjëja e duhur’ jo ajo që duhet e mirë për momentin.
5. Përgatitu për ndryshime. Politika duket me qenë gjithmonë në lëvizje. Diçka që është e suksesshme sot mund mos me qenë, gjërat ndryshojë me dinamikë. Fleksibiliteti dhe gatishmëria për të ndryshuar dhe për t’u adaptuar në situata të reja janë të rëndësishme. Jo pozicione përjashtuese, jo vendime parakohe.
6. Fitorja dhe humbja, dyjat janë mësime. Çdo rezultat është mundësi për mësim. Fitorja është e rëndësishme, por humbja mund të na japë edhe më shumë mësime. Dhe nëse i menaxhojmë mirë, humbja mund të kthehet në fitore nesër. Prandaj, pavarësisht se cilin rezultat e ke, përdore si erë për me navigu drejt së ardhmes.